قصيدة زجلية للمغربي أحمد جمال البوزياني

…هي

…هي
بسمة جبراتني
باش نمشي بعيد
ونبحر وسط عينيك
،بلا مجداف
…هي
كلمة،علماتني
نخاف عليك من جديد
والى ماخفت عليك
.علا من نخاف
…هي
حلمة زارتني
وزوقات خيالي
وخلاتني نتشبت بيك
اكثر من البارح…ابزاف
الحب لي بان ليك زاهر
انا لّي صنتو
,وخفت عليه من كلام الناس
الحب لّي بان ليك منوّر
…انا لّي سقيتو وشدبتو
.وسيجتو باش ما يتقاس
الكاس لّي عامر
برحيقك
…كاسي
…لمّا شربتو
.حسيت اجمل احساس
حسيت نفس البسمة
،نفس الكلمة
ونفس الحلمة
.ونفس الكاس
هي نفس البلاد
نفس الغيمة
…نفس النخلة
.ونفس الطريق و نفس الناس
نفس العنين
لّي ضوهم سباني
ونفس العطر
،لي ذكرني بزماني
نفس الكلام
لبستو الحاني
وشديتو باوثار العود
…وخفت عليها ثاني
خفت عليها
خفت عليها من الخوانة
ومن السكات الى طال
…والليل إلى جنّْ
ومن الحب إلى دبال
…وفراق الطير عل الغصن
تبقى لرسام والاطلال
.اش جمع الحَب و التبن
…هي
هي نفس البلاد
نفس الغيمة
،نفس الطريق
ونفس الناس
…ونفس الحب
هنية عليك
يناير 2014
أحمد جمال البوزياني